MENDIOLA BOY

Pauwi na ako galing sa bahay ng isang kaibigan para paunlakan ang kanyang paanyayang hapunan. Marahil sa madami na din akong iniisip at sa masamang pakiramdam ko, sumakay na lang ako ng jeep na byaheng Quiapo. Hindi ko na napansin kung saang ruta ito dadaan.

Nasa bandang LRT Pureza na kami nung nagtawag ng pasahero ang driver at sinisigaw ang Mendiola. Patay ako, mali ang nasakyan ko. Hindi ito dadaan sa Legarda kaya madodoble ang pamasahe ko o kung sipagin ako ay maglalakad ako ng malayo-layo.

Pero bigla na lang may maganda akong naisip. Marahil dahil sa hindi naman ako nagmamadaling umuwi ay pwede akong maglakad-lakad sa kalyeng pinamugaran ko din ng apat na taon para magsunog ng kilay.

Pagdating namin sa korner ng Mendiola at Aguila, bumaba na ako. Pinagmasdan ko ang mga pagbabago na dinulot ng panahon. Dumami na din ang mga mangangalakal sa bandang iyon. Resto, fast foods, banko at kung anu-ano pa.

Sa tinagal-tagal ko din sa lugar na iyon, naglipana ang mga memories nung ako ay isa pang Mendiola boy. Ito yung mga unang pagkakataong talagang tumatak sa aking isipan at humubog sa aking kamalayan.

Naranasan ko ng tumakbo na suot lang ang adult diaper para sa initiation rites. Isa itong seremonya para i-welcome kaming mga first year sa San Beda. Nakasulat pa sa likod ko nun ang aking cellphone number, baka sakaling may mag-text na taga-CEU o Holy Spirit o LaCo. Tsamba! Hehe.

Kung merong kantunan ang mga Intramuros-based universities, meron din kaming tinatawag na Hepa Lane sa may Mendiola Creek. Dito kami tumatambay pag bandang dapit-hapon para kumain ng kwek-kwek, beda burger, isaw at kung anu-anong tusok-tusok habang naamoy ang baho ng creek. Kebs na lang kahit naka-long sleeves and tie kami habang kumakain, pag paubos na ang baon, dun ang takbuhan naming madalas.

Meron ding sikat na kainan na tinatawag naming Haunted House. Sa halagang P15 eh solve na ang gutom – sabaw, kanin at tatlong pirasong pork adobo. Box office hit din dito ang kanilang calamares, mura kasi sya pero punong puno ng harina. Ginagawa na lang naming ay ulamin ang harina.

Sa Mendiola ko din unang nakakipag-lips to lips kay yosi. Nangyari ito pagkatapos ng exam ko sa law. Dahil sa sobrang stressful ang exam, pinasubok sa akin ng classmate ko para daw marelax ako. Ngayon, napapayosi na lang ako occasionally, ayoko naman kasing maging chain smoker ako.

Sa isang madilim na sulok ko din unang natikman ang sex.

Madami pa sana akong ikukwento kaso napahaba na ng husto. Alam ko naman kasing mag-i-skip read nanaman si Glentot at si Ahmer at si Jepoy. Ampf!