KWENTO NG ISANG KID AT HEART SA ARAW NG PASKO

AKO NA ANG MAY MAHABANG TITLE SA POST! LOL!

Kahit medyo hindi naging maganda ang araw na ito, I still welcomed and celebrated the Christmas Day with a smile on my face. Thanks to my friends who kept me company through texts and instant messaging.

Nagkaroon lang ng kaunting problema sa bahay which made me wept a bit nung nasa dinner table ako at magisang kumain. Buti na lang at ako lang mag-isa dun, I just hate dramas. Anyway, I need to look on the brighter side instead, it's Christmas after all!

Kagabi ay nagsimula ko nang i-wrap yung mga Christmas presents ko sa mga bata kong pamangkin at pinsan. Nakakagaan lang ng pakiramdam kasi alam mong matutuwa sila sa mga toys na binabalot ko sa kanila. Pero sabi nga sa akin ni mommy na huwag ko na lang daw ibalot, pero syempre mas gusto ko yung may element of surprise.

Sa sobrang katuwaan ko eh pinagtuunan ko ng oras ang bawat regalo, ayokong kasing parang mediocre lang ang pagkakabalot. Hayan tuloy, inabot ako hanggang madling araw sa pagbabalot at nakatulog na din ako sa mesa habang tumutulo ang laway.

At kaninang hapon ay umalis na ako ng bahay para ihatid na ang mga regalo. Medyo malayo lang dahil sa kabilang bayan pa sila nakatira at nakakastress ang pag-drive kasi traffic. Madami pa rin kasing humahabol sa Christmas rush. Subalit, hindi ko na lang pinansin dahil sa excitement ko na ding makita ulit ang mga bata.

Pagdating naming sa bahay ng lola ko ay sakto lang, andun silang lahat. Siyam silang mga bulilit na makukulit at di ko na rin makabi-kabisado ang mga pangalan nila kaya yung iba eh walang name tags. Kawawang bata. LOL!

Sa nakita kong ngiti sa kanilang mukha ay hindi ko na talaga naisip ang mga problemang naiwan sa bahay. Masaya na akong makita ang mga batang ito na natutuwa sa mga natanggap na regalo.

Napaisip tuloy ako, buti pa ang mga bata, sa simpleng mga regalo ay masaya na sila. Mga simpleng bagay ay ok na sa kanila. Simple lang din ang mga problema gaya ng paano lumilipad yung ibon, bakit kulay blue ang langit, bakit masarap ang chocolates, etc.

Namiss ko na tuloy ang mga Pasko nung bata pa ako na kung saan tuwang-tuwa na ako sa isang balot ng Moby at Tosquitos na bigay ng nakabunot sa akin. Pero sabagay, kid at heart pa din naman ako. J

PS: tawa ako ng tawa sa video na to, salamat kay Victor. :D

Personalize funny videos and birthday eCards at JibJab!